தேர் திருப்பணி

வளலாய் பிள்ளையார் கோயில் தேர் திருப்பணி சபையினர்  - தேர்த் திருப்பணி தொடர்பான செயல்பாடுகளையும் திட்டங்களையும் வளலாய் இணையத்தின் மூலம் புலம் பெயர் நிலங்களில் வாழும் வளலாய் உறவுகளுக்கு தெரிவித்துக் கொள்ள விரும்புகின்றனர். சபை உறுப்பினர் விபரங்கள் இப்பக்கத்தில் இரு இடங்களில் (கட்டுரை ஆரம்பத்திலும் பக்க இறுதியிலும்) தரப்பட்டுள்ளன.

23 அடி உயரமுடைய சித்திரத்தேருக்கான உத்தேசச் செலவு அடி ஒன்றுக்கு ஏறத்தாழ ஒரு லட்சம் இலங்கை ரூபா படி (23 இலட்சமும்) தேரை வளலாய் கொண்டு வரவும் வெள்ளோட்டச் செலவுகளுக்கும் (புதிய தேருக்குச் செய்ய வேண்டிய ஹோமங்கள் பூசைகள்) தேவைப்படும் தொகை முப்பது இலட்சம் இலங்கை ரூபா வரை எட்டும் என எதிர்பார்க்கப்படுகிறது

தேர் பாவனையில் இல்லாத நாட்களில் தேரை மழை வெயில் ஆகியவற்றிலிருந்து பாதுகாப்பாக நிறுத்தி வைக்கவும் தேர்ப் பீடத்திற்கு சாமியை கொண்டு செல்லுவதற்குமான படிகள் ஆகியவற்றிற்கான தேர்முட்டியுடன் கூடிய நிறுத்துமிட வசதிகளை அமைக்கவும் (20’x20’x25’) கனஅடியில், உத்தேசமாக ரூபா பதினைந்து இலட்சம் தேவைப்படுகிறது.

தேர்த் திருப்பணி வேலைகள் பண்டத்தரிப்பைச் சேர்ந்த கோகிலா சிற்பாலயம் உரிமையாளர், சிற்பாச்சாரியார் க. கதிரஞ்சன், அவர்களிடம் பொறுப்புக் கொடுக்கப் பட்டு வேலைகள் ஆரம்பிக்கப்பட்டுள்ளன.

வளலாய் பிள்ளையார் தேர் திருப்பணிக்கு இதுவரை அன்பர்களால் கொடுக்கப்பட்ட பணத்திற்கான வரவு செலவு அறிக்ககை

இவை தவிர கனடா நாட்டைச் சேர்ந்த சிதம்பரப்பிள்ளை பாலகிருஷ்ணன் மற்றும் பாலா விஜே ஆகியோரும் ஜேர்மனி நாட்டைச் சேர்ந்த திருமதி மகேஸ்வரன் (முத்து) அவர்களும் இலங்கை வந்திருந்த போது தேர்த்திருப்பணிக்கு உதவ உறுதியளித்துள்ளனர் திருமதி விஜயலட்சுமி ரவீந்திரன் தேர்முடி செய்வதற்குரிய தொகையை தருவதாக ஒப்புக் கொண்டிருந்தார்.

வளலாய் பிள்ளையார், பெரிய நாகதம்பிரான் ஆலய மீள் நிர்மாணப் பணிகளுக்கும் கூனன் காடு இந்து மயான வளர்ச்சிப் பணிக்கும் ஆதரவு நல்கியது போல் வளலாய் பிள்ளையார் வாடகைத் தேரில் வலம் வராமல் சொந்தத் தேரில் வலம் வர ஆவன செய்யுமாறு புலம் பெயர் நிலங்களில் வாழும் வளலாய் மக்களிடம் வளலாய் வாழ் உறவுகளும் தேர்த்திருப்பணிச் சபையினரும் வேண்டுகோள் விடுத்துள்ளனர்.

வளலாய் சித்தி விநாயகர் கோயில் தேர் திருப்பணிச் சபையினரின் அன்பான அவரசரமான வேண்டுகோள்

தேர்க்கட்டுமான பணிகள் பெருமளவில் முடிவடைந்த நிலையில் மேற்கொண்டு பணிகளை தொடர தேரின் பாகங்களைப் பகுதி, பகுதிகளாக எடுத்துச் சென்று வளலாயில் வைத்தே பொருத்த முடியுமாதலால் தேர்த்திருப்பணி சபையினர், தேர்முட்டி மற்றும் தேர்நிறுத்தும் கொட்டகை ஆகியவற்றை அமைப்பதற்கான பணிகளையும் சமவேளையில் ஆரம்பிக்கவேண்டிய நெருக்கடிக்கு ஆளாகியுள்ளனர். எனவே தேர்முட்டி மற்றும் தேர் நிறுத்தும் கொட்டகை ஆகியவற்றை ஆரம்பிக்கும் எண்ணத்துடன் சுன்னாகம் சிவன் கோயிலின் பிரதம குருக்களும் வளலாய் பிள்ளையாரின் ஆசீர்வாதக் குருக்களுமான திரு சர்வேஸ்வரக்குருக்கள் உதவியுடன் தேர்கொட்டகை கட்டுவதற்கு பொருத்தமான இடத்தை அடையாளம் கண்டதோடு (நிலையத்தினை எடுத்துக் கொடுத்துள்ளார்) எதிர்வரும் சுபதினமான 5ம் நாள், கொட்டகைக்கான அடிக்கல் நாட்டு விழாவை நடாத்த தேர்த்திருப்பணிச் சபையினர் தீர்மானித்துள்ளனர். இயன்றவர்கள் அந்நிகழ்வில் கலந்து கொண்டு சிறப்பிப்பதோடு இத்திருப்பணியை இனிதே தடங்கலும் காலதாமதமும் இன்றி நிறைவேற்ற தாய்நிலத்திலும் புலம் பெயர் நிலங்களிலும் வாழும் வளலாய் உறவுகளின் உதவியை நாடும் வளலாய் சித்திவிநாயகர் ஆலய தேர்த்திருப்பணிச் சபையினர்.

பங்குனி மாதம் 5ம் திகதி வளலாய் பிள்ளையார் கோயிலில் இடம் பெற்ற தேர்முட்டி மற்றும் தேர் நிறுத்துவதற்கான கொட்டகை ஆகியவற்றிற்கான அடிக்கல் நாட்டு நிகழ்வில் எடுக்கப்பட்ட நிற்படங்களின் முதலாம் தொகுப்பு

இரண்டாம் தொகுப்பு

March 5, 2015

தேர் முட்டி மற்றும் தேர் நிறுத்தி வைக்கும் கொட்டகை ஆகியவற்றின் திருப்பணி வேலைகளை A இலிருந்து J வரை பத்து தலைப்புகளாகப் பிரித்து ஒவ்வொரு தலைப்பின் கீழ் உள்ள பணிகளை செய்வதற்கு எதிர்பார்க்கப்பட்ட செலவுகளை வேலையாட்களுக்கான செலவைத் தனியாகவும் தேவைப்படும் மூலப் பொருட்க ளுக்கான செலவை தனியாகவும் மொத்தம் இரு அட்டவணைகளில், வளலாயைச் சேர்ந்த சிவலிங்கம் சுகிர்தன் அவர்களின் உதவியுடன் மதிப்பீடு செய்து வளலாய் உறவுகளின் பார்வைக்கு தேர்த்திருப்பணிச் சபையினர், வளலாய் மென் ஊடகங்களில் இணைத்துள்ளனர். LA, LB என ஆரம்பிக்கும் குறிப்பெண்கள் கூலிச்செலவையும் MA, MB என ஆரம்பிக்கும் குறிப்பெண்கள் மூலப் பொருட்களின் செலவையும் குறிக்கின்றன.

வளலாய் - தேர்முட்டி மற்றும் தேர் நிறுத்தும் கொட்டகைக்கான உத்தேச மொத்தச் செலவு
இலங்கை ரூபாவில்
அளவைப்பட்டியல் (Bill of Quantities) - கூலி (Cost of Labour)

No	Description	Amount
1	LA-preliminaries and Demolishing work	10,000.00
2	LB-Excavation	31,800.00
3	LC-Concrete work	55,150.00
4	LD-Form work	76,600.00
5	LE-Reinforcement	92,640.00
6	LF-Masonary work	19,440.00
7	LG-Block work	59,220.00
8	LH-Roof covering	37,500.00
9	LI-Finishes	130,110.00
10	LJ-Painting	78,960.00
	Total	591,420.00
	Contingences	580.00
	Grand Total	592,000.00

அளவைப்பட்டியல் (Bill of Quantities)
மூலப் பொருட்கள் (Cost of Raw Material)

No	Description	Amount
1	MA-preliminaries and Demolishing work	10,000.00
2	MB-Excavation	31,800.00
3	MC-Concrete work	332,030.00
4	MD-Form work	136,480.00
5	ME-Reinforcement	324,240.00
6	MF-Masonary work	108,000.00
7	MG-Block work	276,360.00
8	MH-Roof covering	312,500.00
9	MI-Finishes	307,480.00
10	MJ-Painting	157,920.00
	Total	1,996,810.00
	Contingences	190.00
	Grand Total	1,997,000.00

தொடர்புகளுக்கு:
செயல் அலுவலர்கள்
தலைவர் – மகேஸ்வரன் ஐங்கரன் - 0773723435
செயலாளர் – நாராயணசாமி தவகுமார் (குமரன்) - 0777574579
பொருளாளர் – செல்வரத்தினம் மோகனதாஸ் - 0777728400
கொடை வழங்குவோர் இலங்கை வங்கி அச்சுவேலி கிளை மூலமோ, கனடா வாழ் வளலாய் மக்கள், கனடா வாழ் வளலாய் மக்கள் ஒன்றிய செயற்குழு மூலமோ வழங்கலாம்
வங்கி கணக்கு இலக்கம் : 77050836

அடியார்களுக்கு உதவும் நோக்குடன் மேலும் சிறு அலகுகளாகப் பகுக்கப்பட்டுள்ளது

March 9, 2015

தேர்முட்டி மற்றும் தேர் நிறுத்தும் கொட்டகையின் முதனிலை உருவரை படம் BLUE PRINT இணைக்கப்படுகறது.

வளலாய் தேர் உருவாகிறது

முந்தின Previous/முகப்பு